کراچی(اسٹاف رپورٹر)نیشنل ہائی وے پر اسپیئر پارٹس کے گودام میں آتشزدگی سے لاکھوں کا سامان جل گیا۔ تفصیلات کے مطابق بن قاسم میں واقع گاڑیاں بنانیوالی کمپنی کے اسپیئر پارٹس کے گودام میں ہفتے کی شام 5بجے اچانک آگ بھڑک اٹھی، جس کے شعلوں اور دھوئیں سے علاقے میں خوف و ہراس پھیل گیا۔ آگ کی اطلاع پر شہر سے 2گاڑیاں اور اسٹیل مل و پورٹ قاسم سے ایک ایک گاڑی موقع پر پہنچ گئی اور آگ پر قابو پانے کی کوشش شروع کردی۔ ترجمان نے بتایا کہ آگ کی شدت کے خدشے کے پیش نظر مزید ایک گاڑی طلب کی گئی۔ انہوں نے مزید بتایا کہ آگ گودام سے نکل کر خالی پلاٹ کی جھاڑیوں تک پہنچ گئی تھی، جس پر قابو پالیا گیا۔