کراچی(اسٹاف رپورٹر) پاک سر زمین پارٹی حلقے میں ووٹرز کی منت سماجت کرتی نظر آئی۔ووٹ دینے والے افراد کو پی ایس پی بریانی کے باکس بھی دیتی رہی،قومی اسمبلی کا حلقہ این اے 247میں پی ایس پی کی جانب سے شہر کے ڈپٹی میئرارشدوہرہ کو نامزد کیا گیا تھا‘ مصطفیٰ کمال اور دیگر پی ایس پی کی قیادت نے انتخابی کیمپوں کا دورہ کیا‘حلقے کے مختلف علاقے جن میں ڈیفنس، کلفٹن، صدر، سندھ اسمبلی کے اطراف،کینٹ اسٹیشن،سول لائنز، کھارادر، لائٹ ہاؤس،کالا پل اور گوراقبرستان سمیت دیگر علاقوں میں پی ایس پی کی طرف سے انتخابی کیمپ لگائے گئے، تاہم مذکورہ کیمپوں میں عوام کا رش نہ ہونے کے برابر رہا۔