کراچی(اسٹاف رپورٹر) پولیس نے شہر کے مختلف علاقوں میں کارروائی کے دوران اسٹریٹ کرمنل اور منشیات فروشوں سمیت 22 ملزمان کو گرفتار کرکے ان کے قبضے سے اسلحہ اور منشیات برآمد کرلی، پولیس کے مطابق کارروائی کے دوران منشیات فروشوں کے منشیات کے اڈے بھی نذرآتش کردیئے۔ تفصیلات کے مطابق کلری پولیس نے مقابلے کے بعد ملزم موسیٰ عرف میری کو زخمی حالت میں گرفتار کرکے قبضے سے اسلحہ برآمد کرلیا۔ مبینہ ٹاؤن پولیس نے منشیات فروش شاہ ولی خان کو گرفتار کرکے قبضے سے منشیات اور موٹر سائیکل برآمد کرلی۔ ماڈل کالونی پولیس نے 3 ملزمان شبیر، احمد اور فرید کو گرفتار کرکے قبضے سے اسلحہ اور منشیات برآمد کرلی۔ سپرمارکیٹ پولیس نے منشیات فروش نواز کو گرفتار کرکے منشیات برآمد کرلی۔ کلری پولیس نے 6 ملزمان عبدالکریم، منیر، وقاص، اقبال، سکندر عرف مالیو اور علی نواز کو گرفتار کرکے منشیات اور سٹے کی پرچیاں برآمد کرلیں۔ مومن آباد پولیس نے جرائم پیشہ افراد کے خلاف کارروائی کے دوران 10 ملزمان کو گرفتار کرکے اسلحہ اور منشیات برآمد کرلی۔