دبئی(مانیٹرنگ ڈیسک)آئی سی سی کی ٹوئنٹی20 رینکنگ میں پاکستان ٹاپ پر آگیا،خواتین بائولرز کی رینکنگ میں ثنامیرکا پہلانمبرہے۔تفصیلات کے مطابق آئی سی سی کی جانب سے جاری کی جانے والی ٹوئنٹی 20 رینکنگ میں پاکستان نے 132 پوائنٹس کے ساتھ ٹاپ پوزیشن پر قبضہ جمالیا۔ فخر زمان دوسرے نمبر پر ہیں ۔ بولنگ میں شاداب خان بھی دوسری پوزیشن حاصل کرنے میں کامیاب رہے ہیں۔ بھارت 124کے ساتھ دوسرے اور آسٹریلیا ایک پوائنٹ کے فرق سے تیسرے نمبر پر ہے۔ سابق پاکستانی کپتان ثنا میر نےبولنگ میں ٹاپ پوزیشن پر قبضہ کرلیا ، وہ 5بہترین آل راؤنڈرز میں بھی جگہ بنانے میں کامیاب رہیں۔ان کے مجموعی پوائنٹس 663ہیں۔ ثنا پاکستان کی پہلی خاتون کرکٹر ہیں جو آئی سی سی کی رینکنگ میں ٹاپ پوزیشن حاصل کرنے میں کامیاب رہی ہیں۔ آسٹریلیا کی میگان دوسرے اور جنوبی افریقہ کی ایم کیپ تیسرے نمبر پر ہیں۔