تورغر(امت نیوز)ضلع تورغر میں رنگا رنگ تقریب کے دوران سالانہ سپورٹس فیسٹیول کا افتتاح کر دیا گیا، 28 مختلف کھیلوں اور بزم ادب مقابلوں میں سکولوں کے طلبا حصہ لیکر اپنی صلاحیتوں کے جوہر دکھائیں گے۔ افتتاحی تقریب کنڈر حسن زئی کے مقام پر منعقد ہوئی جس کے مہمان خصوصی ڈپٹی کمشنر تورغر محمد سلیم تھے۔تقریب سے ڈسٹرکٹ ایجوکیشن آفیسر خان محمد، ڈپٹی ڈی او عمر زمان، اے ڈی او سپورٹس محمد آصف اور دیگر مقررین نے بھی خطاب کیا۔