کھٹمنڈو (امت نیوز) ساف انڈر 15 فٹ بال چیمپئن شپ (آج) جمعرات سے نیپال میں شروع ہوگی۔ پاکستانی ٹیم ایونٹ میں شرکت کیلئے نیپال میں موجود ہے۔ 3 نومبر تک جاری رہنے والے ایونٹ میں ساف مالک کی ٹیمیں ٹائٹل کے حصول کیلئے ایکشن میں دکھائی دیں گی۔ پاکستان فٹ بال فیڈریشن (پی ایف ایف) کے صدر مخدوم سیّد فیصل صالح حیات نے ٹیم کیلئے نیک تمناؤں کا اظہار کیا۔ حسیب احمد ٹیم کی قیادت کریں گے جبکہ دیگر کھلاڑیوں میں محمد اویس، افنان شاہد، حمزہ نسیم، محب اللہ، نجیب اللہ، جنید احمد شاہ، جواد بشیر، خوشحال خان، آصف علی، محمد کاشف، شاہزیب جاوید، واصف،عدنان جسٹن، سیّد علی شاہ، اسامہ، سعد خان، مدثر نذر، حسن شیریں، بسم اللہ، افتخار احمد، معین احمد اور محمد عامر خان شامل ہیں۔