ایبٹ آباد(امت نیوز) پاکستان سکاؤٹس کیڈٹ کالج بٹراسی سپورٹس گالا 2018ء کا چیمپئن بن گیا۔ گالا میں ملٹری کالج جہلم، پی اے ایف کالج سرگودھا، کیڈٹ کالج پٹارو حیدر آباد اور بٹراسی کیڈٹ کالج کی کرکٹ، فٹ بال، باسکٹ بال اور ہاکی کی ٹیموں نے حصہ لیا۔ کیڈٹ کالج بٹراسی نے کرکٹ اور فٹ بال میں ونر، باسکٹ بال میں رنر جبکہ مجموعی طور پر سب سے زیادہ پوائنٹ حاصل کر کے چیمپئن بننے کا اعزاز حاصل کر لیا۔ سپورٹس کا 2018ء کا چیمپئن بننے پر ٹیم میں ہری پور سے شامل کھلاڑی تحصیلدار حسرت خان کے فرزند شفاعت خان سمیت دیگر اور ان کے والدین نے کالج کی انتظامیہ بالخصوص پرنسپل بریگیڈیئر (ر) عبدالحفیظ کو دلی مبارکباد اور خراج تحسین پیش کیا۔