سری لنکا اور انگلینڈ آج ٹی ٹوئنٹی میچ میں مدمقابل

کولمبو(امت نیوز) سری لنکا اور انگلینڈ کی ٹیموں کے درمیان واحد بین الاقوامی ٹی ٹونٹی کرکٹ میچ (آج) ہفتہ کو کولمبو میں کھیلا جائیگا۔ اس سے قبل دونوں ٹیموں کے درمیان کھیلی گئی پانچ ون ڈے انٹرنیشنل کرکٹ میچوں کی سیریز انگلینڈ کی ٹیم نے 3-1 سے جیتی تھی۔ سری لنکا اور انگلینڈ کے درمیان کھیلی گئی ون ڈے سیریز بارش سے بری طرح متاثر ہوئی، دونوں ٹیموں کے درمیان سیریز کا پہلا میچ بارش کی نذر ہو گیا تھا جبکہ دوسرے ون ڈے میں انگلینڈ نے میزبان ٹیم کو بارش کے باعث ڈک ورتھ لوئس میتھڈ کے تحت 31 رنز سے ہرا کر برتری حاصل کی تھی۔ تیسرے ون ڈے میں بھی بارش نے پیچھا نہ چھوڑا اور میچ کو 21 اوورز تک محدود کر دیا گیا۔