کراچی (پ ر) انٹرنیشنل فیڈریشن آف ریڈکراس وفد کے سربراہ تھامس گرٹز نے کہا ہے کہ فلاح انسانیت کیلئے انسان دوست سفارتکاری ضروری ہے۔ ان خیالات کا اظہار انہوں نے بلال احمر سندھ کے تحت مقامی ہوٹل میں ’’انسانی دوست سفارتکاری‘‘ کے موضوع پر سیمینار میں اپنے کلیدی مقالے میں کیا۔ اس موقع پر چیئر پرسن بلال احمر سندھ شہناز حامد، وائس چیئرمین رفیق جعفری، سیکرٹری بلال احمر کنور وسیم پروفیسر خالدہ غوث و سپریم کورٹ بار کے سابق صدر یٰسین آزاد غازی صلاح الدین نے بھی خطاب کیا۔