کراچی (اسٹاف رپورٹر)لانڈھی کے مختلف علاقوں میں پانی بحران پر پر علاقہ مکین مشتعل ہو کر سڑکوں پر آگئے ،احتجاج کے باعث ٹریفک جام ہو گیا ۔تفصیلات کے مطابق لانڈھی میں مسلسل کئی روز سے پانی کی عدم فراہمی پر پانی کا شدید بحران پیدا ہو گیا اور علاقہ مکین مشتعل ہو کر نعرے بازی کرتے ہو ئے اسپتال چورنگی پہنچ گئے اور سڑک بلاک کر کے ٹائر نذر آتش کردیئے ،جس کے نتیجے میں سڑکوں پر بدترین ٹریفک جام ہو گیا۔ اطلاع ملتے ہی پولیس موقع پر پہنچ گئی اور 2گھنٹے کی کوشش کے بعد مظاہرین کو منتشر کر کے ٹریفک کی روانی بحال کر دی۔