بیجنگ(امت نیوز) دوسری ایشین ٹور 10 ریڈ سنوکر چیمپئن شپ کا آغاز (آج) اتوار سے چین میں ہو رہا ہے جس میں تین پاکستانی کیوئسٹس محمد بلال، حارث طاہر اور بابر مسیح ایکشن میں دکھائی دیں گے۔ ہفتے کو پاکستان بلیئرڈ اینڈ سنوکر ایسوسی ایشن کی طرف سے جاری کردہ تفصیلات کے مطابق پاکستانی ٹیم ایونٹ میں شرکت کیلئے چین پہنچ چکی ہے اور تین کیوئسٹس محمد بلال، حارث طاہر اور بابر مسیح ملک کی نمائندگی کریں گے، پاکستانی کیوئسٹس محمد بلال قطری کیوئسٹ ایل عبیدل، حارث طاہر چینی کیوئسٹ پینگ جبکہ بابر مسیح ایرانی کیوئسٹ عامر سرخوش کے خلاف ابتدائی میچز سے مہم کا آغاز کریں گے، محمد بلال اسی روز دوسرے میچ میں چینی کیوئسٹ یانگ اور حارث طاہر ایران کے احسان کے مدمقابل ہوں گے، بابر مسیح دوسرا میچ کل پیر کو چینی کیوئسٹ سی جیاہوئی کے خلاف کھیلیں گے۔