کراچی(اسٹاف رپورٹر) دوگروپوں میں تصادم ۔ہوائی فائرنگ و دیگر واقعات میں 6 افراد زخمی ہوگئے۔ تفصیلات کے مطابق پاک کالونی مگسی محلہ میں دو گروپوں میں تصادم کے کے دوران فائرنگ اور پستول کے بٹ لگنے کے نتیجے میں محمد ناصر ۔رمیز علی اور غلام اکبرزخمی ہوگئے زخمیوں کو اسپتال منتقل کیاگیا۔ الآصف اسکوائر حاجی جنت گل ٹاؤن میں شادی تقریب میں ہوائی فائرنگ کی زد میں آکر 18سالہ سعادت زخمی ہوگیا جبکہ حسن نعمان کالونی میں فائرنگ سے 21سالہ سمیع اللہ زخمی ہوگیا عید گاہ کے علاقے مارواڑی لین میں جھگڑے کے دوران چھری کے وار سے عبدالرحمن زخمی ہوگیا، تاہم زخمیوں کی حالت خطرے سے باہر ہے۔