کراچی (اسٹاف رپورٹر) لائنز ایریا اور نارتھ ناظم آباد میں نوجوان لڑکی اور خاتون نے خود کو پھندا لگا کر خودکشی کرلی۔ تفصیلات کے مطابق بریگیڈ کے علاقے لائنز ایریا جیکب لائن میں واقع مکان نمبر 10/3سے ایک لڑکی کی پھندا لگی لاش ملی، اطلاع ملنے پر پولیس نے لاش جناح اسپتال منتقل کی۔ پولیس نے بتایا کہ 19سالہ سویرا دختر شہزاد کے ورثا کا کہنا ہے کہ متوفیہ نے والد کی ڈانٹ سے دلبرداشتہ ہو کر خودکشی کی ہے۔ دوسرے واقعے میں شارع نورجہاں کے علاقے نارتھ ناظم آباد بلاک Jمیں واقع گھر میں 40سالہ کوثر زوجہ نعمان نے خود کو پھندا لگا کر اپنی زندگی کا خاتمہ کرلیا۔پولیس نے بتایا کہ اہل خانہ نے اپنے بیان میں کہا کہ کوثرنے نامعلوم وجوہات کی بنا پر خودکشی کی ہے۔