اسلام آباد(امت نیوز) پاکستان بلائنڈ کرکٹ کونسل(پی بی سی سی) کے چیئرمین سید سلطان شاہ نے ورلڈ بلائنڈ کرکٹ کونسل کے انتحابات کے لئے2 امیدواروں کی نامزدگی کا اعلان کر دیا۔ورلڈ بلائنڈ کرکٹ کونسل کا دو روزہ سالانہ اجلاس رواں سال 9 اور 10 دسمبر کو نیپال کے شہر کھٹمنڈو میں ہوگا۔اس موقع پر ورلڈ بلائنڈ کرکٹ کونسل کے انتحابات بھی ہوں گے جس میں پاکستان کی جانب سے یوسف ہارون ڈائریکٹر ٹیکنیکل اور سلمان بخاری بطور نائب صدر امیدوار ہوں گے۔ ورلڈ بلائنڈ کرکٹ کونسل کے اجلاس میں پاکستان کی جانب سے پاکستان بلائنڈ کرکٹ ونسل کے چیئرمین سید سلطان شاہ نمائندگی کریں گے۔