نئی دہلی(امت نیوز) بھارتی کرکٹ ٹیم کے مایہ ناز اوپننگ بلے باز روہت شرما نے کہا ہے کہ ویسٹ انڈیز کے خلاف پانچویں اور آخری ایک روزہ بین الاقوامی میچ میں اپنی عمدہ کارکردگی کی بدولت ٹیم کی فتح میں اہم کردار ادا کروں گا۔ انہوں نے کہا کہ وہ ویسٹ انڈیز ٹیم کے خلاف ون ڈے سیریز میں اپنی کارکردگی سے مطمئن ہیں۔ انہوں نے کہا کہ وہ چوتھے میچ میں کالی آندھی کے خلاف انفرادی 162 رنز کی اننگز کھیلنے پر بہت خوش ہیں۔ اپنے ایک بیان میں انہوں نے کہا کہ ٹیم کا مورال بلند ہے۔ انہوں نے کہا کہ ویسٹ انڈیز کے خلاف سیریز کے پانچویں اور آخری میچ میں پوری قوت کے ساتھ میدان میں اتریں گے۔
٭٭٭٭٭