کراچی (اسٹاف رپورٹر)رینجرز اور پولیس نے گینگ وار کارندوں۔اسٹریٹ کرمنلز کے سہولت کاروں سمیت 14 ملزمان کو گرفتار کرکے اسلحہ،منشیات برآمد کرلی ۔ایک ملزم سی آئی ڈی کا برطرف اہلکار ہے ۔ تفصیلات کے مطابق رینجرز نے ماڈل کالونی سے دو ملزمان کو گرفتار کرلیا۔جن میں جاوید اقبال اور سلیم عرف واجہ شامل ہیں ، رینجرز ترجمان کے مطابق جاوید اقبال سی آئی ڈی کا برطرف کانسٹیبل ہے ملزم لوگوں کو غیر قانونی حراست میں لے کر رشوت کے عوض لے کر چھوڑدیتا تھا ملزم ملیر کےاسٹریٹ کرمنلز اور منشیات فروشوں کا سہولت کار رہا جبکہ جنوری 2016میں ڈکیتی کیس میں گرفتار ہوا تھا ملزم سے بلا لائسنس پستول ۔ ہتھکڑی اور پولیس کارڈ بھی برآمد ہوا ۔ رینجرز ترجمان کے مطابق گرفتار ملزم سلیم عرف واجہ سی ٹی ڈی کے برطرف انسپکٹر ظہیر کے ساتھ مل کر وارداتیں کرتاتھا ۔جبکہ ملزم منشیات فروشوں اور گینگ وار کارندوں کا سہولت کار تھا۔ تیموریہ ‘سائٹ بی اور مدینہ کالونی پولیس نے 14ملزمان کو گرفتار کرکے منشیات ۔اسلحہ برآمد کرلیا ۔