برطانیہ بھیجنے اور ہالینڈ سے آنیوالے پارسل سے منشیات برآمد

کراچی(اسٹاف رپورٹر)اے این ایف نے 2 کارروائیوں میں منشیات کی بڑی مقدار برآمد کرلی۔ترجمان کے اعلامیے میں بتایا گیا کہ اینٹی نارکوٹکس فورس نے نجی کوریئر کمپنی سے برطانیہ بھیجے جانے والے اور ہالینڈ سے کراچی آئے پارسل سے منشیات برآمد کرلی ہے۔برطانیہ بھیجے جانے والے پارسل سے 750گرام ہیروئن برآمد کی گئی، جب کہ ہالینڈ سے کراچی آنے والے پارسل سے 45ایکسٹیسی ٹیبلیٹ برآمد کی گئی۔برآمد منشیات کی عالمی مارکیٹ میں مالیت 10لاکھ روپے سے زائد ہے۔برطانیہ بھجوانے والی ہیروئن 4جیکٹس میں چھپائی گئی تھیں۔