اسلام آباد(امت نیوز) پاکستان ہاکی فیڈریشن نے عالمی ہاکی کپ کی تیاری کیلئے 26 کھلاڑیوں کا اعلان کر دیا ہے۔جونیئر پلیئرز کو بھی آزمانے کا فیصلہ بھی کیا گیا ہے۔ گذشتہ روز چیف سلیکٹر اصلاح الدین نے کھلاڑیوں کا اعلان کرتے ہوئے بتایا کہ کھلاڑیوں میں عمران بٹ، مظہر عباس، امجد علی، محمد عرفان سنیئر، راشد محمود، محمد علیم بلال، عماد شکیل بٹ، مبشر علی، تصورعباس، محمد رضوان سنیئر، محمد توثیق ارشد، علی شان، محمد عمر بھٹہ، ابوبکر محمود، شفقت رسول، محمد اظفر یعقوب، محمد ارسلان قادر، اعجاز احمد، محمد عرفان جونیئر، محمد زبیر، محمد رضوان جونیئر، محمد دلبر، محمد عتیق ارشد، محمد فیصل قادر، محمد عتیق مشتاق اور سارن بن قمر شامل ہیں۔ کھلاڑیوں کو ہدایت کی گئی ہے کہ وہ (کل) جمعہ کو نیشنل ہاکی سٹیڈیم، لاہور میں رپورٹ پیش کریں۔