نیوکراچی میں ڈکیتیوں -بھتہ خوری میں ملوث 4رکنی گروہ پکڑاگیا

کراچی (اسٹاف رپورٹر)نیوکراچی سے ڈکیتی ،قتل اور بھتہ خوری میں ملوث 4رکنی گروہ پکڑا گیا۔ذرائع کے مطابق اینٹی کار لفٹنگ سیل نے خفیہ اطلاع پر نیو کراچی کے علاقے فور کے چورنگی سے 4لزمان سلیم احمد ،عبید اللہ، حنیف اور جہانزیب کو گرفتار کر کے 4پستول 3موٹرسائیکل 5موٹر سائیکل کا مکمل سامان اور دیگر اشیاءبرآمد کرلیں، پولیس نے بتایا کہ ملزمان بھتہ خوری سمیت اسٹریٹ کرائم کی درجنوں وارداتوں میں ملوث ہیں اور متعدد بار جیل بھی جاچکے ہیں ۔جب کہ چاروں گریجویٹ ہیں اور بیروزگار ی کے باعث جرائم کی طرف راغب ہوئے ۔ ملزمان نے اعتراف کیا کہ 2013یں انہوں نے نائب ناظم انظار سے 50ہزار روپے بھتہ وصول کیا، شہید پولیس اہلکار مرشد کی بہن کے گھر ڈکیتی میں ایک لاکھ30ہزار روپے اور دیگر سامان لوٹا،2014میں متحدہ کے کارکن وحید کو قتل کیا جبکہ ایک اور کارکن شاہد کو بھی قتل کیا ہے ۔ملزمان کیخلاف مقدمہ درج کرلیاگیا ہے ۔