اسلام آباد (امت نیوز) کوئٹہ گلیڈی ایٹرز نے آئندہ برس شیڈول پاکستان سپر لیگ (پی ایس ایل) کے چوتھے ایڈیشن کیلئے تجربہ کار ویسٹ انڈین سپنر سنیل نارائن اور عمر اکمل کی خدمات حاصل کر لیں، دونوں کھلاڑیوں نے لاہور قلندرز سے کوئٹہ گلیڈی ایٹرز میں شمولیت اختیار کی ہے، دونوں کرکٹرز نے ٹریڈ کے ذریعے کوئٹہ کو جوائن کیا، لاہور قلندرز نے ان کی جگہ راحت علی اور حسن خان سے معاہدہ کر لیا۔ کوئٹہ گلیڈی ایٹرز کے مالک ندیم عمر نے اپنے بیان میں کہا کہ سنیل نارائن اور عمر اکمل ورلڈ کلاس کھلاڑی ہیں، دونوں کی شمولیت سے ہماری ٹیم مزید مضبوط ہو گئی ہے، نارائن میچ ونر کھلاڑی ہیں جبکہ عمر اکمل بھی ہارڈ ہٹر بلے باز ہیں اور وہ بھی ٹیم کو فتوحات دلوانے کی صلاحیت رکھتے ہیں۔
٭٭٭٭٭