راجر فیڈررپیرس ماسٹرز ٹینس کے سیمی فائنل میں پہنچ گئے

پیرس(امت نیوز) راجر فیڈرر، نوویک جوکووچ، ڈومنک تھائم اور کیرن خچانووف فتوحات برقرار رکھتے ہوئے پیرس ماسٹرز ٹینس ٹورنامنٹ مینز سنگلز سیمی فائنل میں پہنچ گئے۔ فرانس میں جاری ایونٹ میں کھیلے گئے مینز سنگلز کوارٹر فائنلز میں شہرہ آفاق سوئس سٹار اور ریکارڈ 20 مرتبہ کے گرینڈ سلام چیمپئن فیڈرر نے عمدہ کارکردگی کا مظاہرہ کرتے ہوئے حریف جاپانی کھلاڑی نیشکوری کو 6-4 اور 6-4 سے ہرا کر سیمی فائنل کیلئے کوالیفائی کیا، سٹار سربین کھلاڑی نوویک جوکووچ نے کروشین کھلاڑی مرین کلچ کو 4-6، 6-2 اور 6-3 سے زیر کر کے سیمی فائنل تک رسائی حاصل کی، سیمی فائنل میں جوکووچ کو راجر فیڈرر کا چیلنج درپیش ہو گا۔
٭٭٭٭٭