کراچی (اسٹاف رپورٹر) منظورکالونی، گذری ،شیرشاہ اور بنارس میں تیز رفتار گاڑیوں نے 4شہری کچل ڈالے، مرنیوالوں میں 2معمر افراد بھی شامل ہیں۔ تفصیلات کے مطابق بلوچ کالونی کے علاقے منظور کالونی کشمیر پلازہ کے قریب حادثے میں نامعلوم شخص شدید زخمی ہو گیا، جسے فوری جناح اسپتال منتقل کیا گیا، تاہم وہ جانبر نہ ہوسکا۔ پولیس نے بتایا کہ ہمارے اسپتال ہنچنے سے قبل ورثا لاش لے جاچکے تھے، جس کی وجہ سے متوفی کی شناخت نہ ہوسکی۔ پنجاب چورنگی گذری پل کے الیکٹرک آفس کے قریب نامعلوم گاڑی کی ٹکر سے 61سالہ محمد طلحہ ولد محمد ندیم شدیدجاں بحق ہوگیا۔ پیر آباد کے علاقے بنارس ولیکا اسپتال کے قریب نامعلوم گاڑی کی ٹکر سے 60سالہ دلاور ولد تاج محمد جاں بحق ہوگیا۔سائٹ بی کے علاقے شیر شاہ پراچہ چوک کے قریب ٹریفک حادثے میں نامعلوم شخص موقع پر جاں بحق ہو گیا۔پولیس نے بتایا کہ نامعلوم متوفی کی عمر 35سال ہے، جس کی لاش شناخت کیلئے سرد خانے منتقل کردی گئی ہے۔