ابوظہبی(امت نیوز)پاکستان اور نیوزی لینڈ اے کرکٹ ٹیموں کے درمیان دوسرا اور آخری چار روزہ میچ (کل) منگل سے ابوظہبی میں شروع ہو گا۔ دونوں ٹیموں کے درمیان کھیلا گیا پہلا چار روزہ میچ زبردست مقابلے کے بعد ہار جیت کے فیصلے کے بغیر ختم ہو گیا تھا۔ دونوں ٹیموں کی حالیہ فارم اور کارکردگی کو مدنظر رکھتے ہوئے آخری چار روزہ میچ میں دلچسپ مقابلے کی توقع کی جا رہی ہے، دونوں ٹیمیں میچ جیت سیریز شاندار انداز سے سیریز کا اختتام کرنے کی خواہاں ہیں۔