کراچی(بزنس رپورٹر)دی آرکیڈ اسکول پریمیئر لیگ فلڈ لائٹ کرکٹ ٹورنامنٹ کے میچ میں ڈی ایس کلب نے پہلے بیٹنگ کرتے ہوئے 8کھلاڑیوں کے نقصان 147رنز بنائے۔نجیب اللہ 35 اور عمران علی 33رنز بناکر نمایاں رہے ۔ریحان تنولی اور شاہ زیب نے 2،2وکٹیں حاصل کی۔ٹیری ورلڈ نے ایک وکٹ کے نقصان پر 153رنز بناکر میچ جیت لیا۔ریحان تنولی نے 46گیندوں پر 103رنز بنائے ۔دوسرے میچ میں برائٹ جمخانہ نے 5وکٹوں کے نقصان پر 172رنز بنائے۔سہیل فضل 50،شفاقت علی 28،حیدر علی نے 27رنز بنائے، جبکہ عارف خان نے 40ناٹ آوٹ اسکور کیے۔قمر ایوب نے 4اوورز میں 29رنز دے کر 3کھلاڑیوں کو آؤٹ کیا۔ جواب میں امریکن ڈور نے17.01اوورز میں 3 کھلاڑیوں کے نقصان پر 174رنز بناکر میچ جیت لیا۔علی مہر 52ناٹ آوٹ ،ذاکرملک 62رنز اور رابش احمدنے 26رنز بناکر نمایاں رہے ۔توقیر باجوہ ،ذیشان مومیہ اور دانش معین نے ایک ایک وکٹ حاصل کی ۔