پنجاب ٹیلنٹ ہنٹ مقابلے 9 نومبر سے شروع ہوں گے

راولپنڈی(امت نیوز) پنجاب ٹیلنٹ ہنٹ کے سلسلے میں راولپنڈی ڈسٹرکٹ انٹر تحصیل مقابلے9 نومبر سے شروع ہوں گے۔ ڈسٹرکٹ سپورٹس آفیسر وحید بابر نے اے پی پی کو بتایا کہ سپورٹس بورڈ پنجاب نے باصلاحیت کھلاڑیوں کی تلاش کیلئے انڈر 16 ٹیلنٹ ہنٹ کا آغاز کیا ہے جس کے تحت راولپنڈی ڈسٹرکٹ انٹر تحصیل مقابلے 9 نومبر سے شروع ہوں گے جو 5 دسمبر تک جاری رہیں ۔ ان مقابلوں میں اتھلیٹکس، فٹ بال، بیڈمنٹن، ٹیبل ٹینس، والی بال، کرکٹ اور کبڈی شامل ہیں۔ ان کا کہنا تھا کہ کھیلوں کے کامیاب انعقاد کیلئے تمام تر انتظامات مکمل کر لئے گئے ہیں۔ یہ مقابلے راولپنڈی کے مختلف گراؤنڈز پر منعقد ہوں گے۔
٭٭٭٭٭