لاہور (امت نیوز) ہاکی ورلڈ کپ کے لئے قومی ٹیم مینجمنٹ کا باقاعدہ اعلان کر دیا گیا، محمد ثقلین کی جگہ سابق اولیمپئن دانش کلیم کو کوچ مقرر کیا گیا ہے جبکہ لاس اینجلس 1984ء اولمپکس کی فاتح ٹیم کے اہم رکن توقیر ڈار کا بطور چیف کوچ نوٹیفکیشن جاری کیا گیا ہے۔ حسن سردار قومی ٹیم کے منیجر ہوں گے۔ سابق قومی کپتان ریحان بٹ بدستور کوچ ہیں۔ادھر ورلڈ کپ کی تیاریوں کے لئے قومی ٹیم کا کیمپ لاہور میں شروع ہو گیا ہے۔میگا ایونٹ کا حصہ بننے کے لئے قومی ٹیم 20 نومبر کو بھارت کے لئے روانہ ہو گی۔28 نومبر سے شروع ہونے والے عالمی کپ میں گرین شرٹس کو گروپ ڈی میں جرمنی، ہالینڈ اور ملائشیا کا چیلنج درپیش ہے۔ ورلڈ کپ کی تیاریوں کے لئے قومی ہاکی ٹیم تربیتی کیمپ لاہور میں شروع ہوگیا۔28 نومبر سے بھارت کے شہر بھوبنیشور میں شروع ہونے والے ورلڈ کپ ہاکی ٹورنامنٹ کے لئے کیمپ میں طلب کئے گئے۔
٭٭٭٭٭