ڈاکوؤں نے بینک سے رقم لیکر نکلنےوالے شہریوں کو نشانے پر رکھ لیا

کراچی(اسٹاف رپورٹر) ڈاکوؤں نے بینک ڈکیتی کے بجائے بینک سے رقم لیکر نکلنے والے شہریوں کو لوٹنا شروع کردیا، سندھی مسلم سوسائٹی میں بینک سے رقم لے کر نکلنے والے شہری سے موٹر سائیکل سوار 4 ملزمان لاکھوں روپے لوٹ کر بآسانی فرار ہوگئے۔ واقعے کی سی سی ٹی وی فوٹیج منظر عام پر آگئی، جس میں واضح طور پر دیکھا جاسکتا ہے کہ شہری بینک سے رقم لے کر نکلتا ہے، جس کے بعد 4مسلح ڈاکو شہری کا پیچھا کرکے اسے لوٹ لیتے ہیں، جبکہ ایک ملزم بینک میں موجود رہتا ہے۔ فوٹیج میں 2ملزمان ہیلمٹ پہنے ہوئے ہیں۔ پولیس مقدمہ درج کرکے ملزمان کی تلاش شروع کردی ہے۔