دادو/ بدین (نمائندگان) دادو میں خاتون کو قتل کر کے بغیر غسل و کفن دفنانے کی کوشش پولیس نے ناکام بنا دی۔ جبکہ بدین میں عشق میں ناکام پر جوڑے نے خود سوزی کر لی ،جس سے لڑکی ہلاک ہو گئی۔ تفصیلات کے مطابق دادو میں جھلو تھانے کی حد کچے کے علاقے میں خاتون کمن کو اس کے شوہر مٹھل جتوئی نے قتل کر دیا۔ مقتولہ فیض بنڈو خیرپور میرس سے شادی ہو کر آئی تھی۔ ملزم نے بغیر غسل اور کفن دفن کرنے کی کوشش کی تاہم اطلاع پر پولیس پہنچ گئی۔ جس نے لاش تحویل میں لیکر اسپتال منتقل کی۔ ابتدائی تفتیش سے معلوم ہوا کہ لڑکی کو اس کے شوہر مٹھل جتوئی نے قتل کیا ہے جو تاحال پولیس کی گرفت میں نہیں آ سکا ،جس کی گرفتاری کے لیے چھاپے مارے جا رہے ہیں۔