کراچی(بزنس رپورٹر)چئیرمین بلدیہ شرقی معید انور نے کہا ہے کہ ضلع شرقی میں واقع ایکسپو سینٹر میں جب بھی کسی عالمی نمائش کا انعقاد کیا جاتا ہے توہم اپنی ذمہ داریاں بھرپور طریقے سے انجام دیتے ہیں۔ ایکسپو سینٹر و گردونواح میں رواں ماہ نمائش کے سلسلے میں انتظامات کا جائزہ لینے کے دوران انہوں نے افسران کو ہدایت کی کہ علاقے میں صفائی روشنی اور سڑکوں کی مرمت کے انتظامات کئے جائیں۔ اس موقع پر مختلف محکموں کے افسران بھی موجود تھے۔