سندھ ہائیکورٹ کے سابق جج زاہد قربان علوی انتقال کرگئے

کراچی (اسٹاف رپورٹر) سندھ ہائیکورٹ کے سابق جج زاہد قربان علوی انتقال کرگئے۔ مرحوم کے انتقال پر چیف جسٹس احمد علی ایم شیخ نے عدالتی امور معطل کر دیئے اور معمول کے بورڈز ڈسچارج کردیئے۔الیکشن2013سے قبل جسٹس علوی کو نگران وزیر اعلیٰ سندھ بنایا گیا تھا۔ ان کا نام اس وقت کے وزیر اعلیٰ قائم علی شاہ نے تجویز کیا تھا۔ جسٹس علوی 21اگست 1941 کو کراچی میں پیدا ہوئے تھے۔ مرحوم کراچی کے پہلے مسلمان مئیر حاتم علوی کے رشتے دار تھے۔ سندھ یونیورسٹی سے قانون کی تعلیم حاصل کرنے کے بعد انہوں نے 1966میں وکالت شروع کی، انہیں مئی 1998میں سندھ ہائیکورٹ کا جج مقرر کیا گیا اور وہ 31دسمبر 2003تک اس عہدے پر فائز رہے۔