آئی بی اے کیمپس میں چھٹی عالمی کراچی کانفرنس کا آغاز

کراچی (بزنس رپورٹر) کراچی کانفرنس فاؤنڈیشن کی جانب سے آئی بی اے کے تعاون سے چھٹی عالمی کانفرنس کا آغاز آئی بی اے سٹی کیمپس میں ہوگیا ہے۔ کانفرنس کا مقصد شہر کے حوالے سے مختلف موضوعات پر سنجیدہ گفتگو، تحقیق اور عوامی مذاکروں کا انعقاد ہے۔ اور آزاد فلمیں بنانے والوں کا کام پیش کیا جائے گا۔ 10 اور11نومبر کو مختلف موضوعات پر مقالے پیش کئے جائیں گے۔ موضوعات میں ٹریفک، آبادی کا گنجان ہونا، پانی کی فراہمی اور نکاسی، صحت عامہ، گورننس، تعلیم اور موسیقی کے ذریعے شہر کی ثقافتی تاریخ شامل ہیں۔ اس بار بھی داخلہ مفت اور ہر خاص وعام کیلئے ہے۔