کراچی(اسٹاف رپورٹر ) پولیس نے ایک ہفتے کے دوران ڈکیتی ۔اسٹریٹ کرائم ۔قتل ۔دہشت گردی ودیگر جرائم میں ملوث1180ملزمان کو گرفتار کرکے اسلحہ اور دستی بم برآمد کرلئے ۔پولیس ترجمان کی جاری کردہ رپورٹ کے مطابق ایک ہفتے کے دوران چھاپہ مار کاروائیوں میں پولیس نے 5جرائم پیشہ گروہوں کا خاتمہ کرکے1180ملزمان کو گرفتار کیا۔ جن میں3 قتل ،2دہشت گردی 29ڈکیتی اور اسٹریٹ کرائم 125ناجائز اسلحہ 148منشیات فروشی اور 605ملزم دیگر جرائم میں ملوث ہیں جبکہ خصوصی مہم کے دوران شہر سے 242مفرور اور 26اشتہاری ملزمان بھی گرفتار کیے گئے۔ ملزمان سے ایک ایس ایم جی 137پستول و ریوالور، 11رائفلیں، 4 ریپیٹر، 2دستی بم برآمد ہوئے ۔