کراچی(اسٹاف رپورٹر) شارع فیصل پولیس نے ون ویلنگ کرنے والے 43 موٹر سائیکل رائیڈرز کو گرفتار کرکے 25 موٹر سائیکلیں قبضے میں لے لیں۔ تفصیلات کے مطابق شارع فیصل پولیس نے ہفتے اور اتوار کی درمیانی شب شارع فیصل پر ون ویلنگ اور ریس لگانے والے 43 نوجوانوں کو حراست میں لے کر 25موٹر سائیکلیں قبضے میں لے لیں اور گرفتار افراد کے خلاف مقدمہ درج کرلیا۔ پولیس کے مطابق ون ویلنگ اور ریس لگانے والوں کے خلاف کریک ڈاؤن ایس ایس پی شرقی کی ہدایت پر کیا گیا۔ پولیس کے مطابق قبضے میں لی گئیں موٹر سائیکلیں آلٹر اور ریس کے لئے بنائی گئی ہیں۔