کراچی(اسٹاف رپورٹر)موسم کی خراب صورتحال فضا میں دھند کے باعث کم روشنی کی وجہ سے بہاولپور اور سکھر کی پروازیں متاثر ہوئی ہیں۔ترجمان پی آئی اے کے مطابق کراچی سے بہاولپور کی دوطرفہ پروازیں پی کے 588اور پی کے 589کو بہاولپور کی بجائے کراچی سے ملتان کے لئے دو طرفہ آپریٹ کیا گیا جبکہ کراچی سے سکھر کی دوطرفہ پروازیں پی کے 594اور پی کے 595کم روشنی کی وجہ سے منسوخ کر دی گئیں۔اسلام آباد سے سکھر کی دوطرفہ پروازیں پی کے 691اور پی کے 692بھی منسوخ کر دی گئیں۔ترجمان کا کہنا ہے کہ 13نومبر کی کراچی سے سکھر کی دوطرفہ پروازیں پی کے 530اور پی کے 531 منسوخ کر دی گئی ہیں، جبکہ 13نومبر کو کراچی سے بہاولپور کی پروازیں پی کے 589اور پی کے 588اب کراچی سے ملتان کے لئے چلائی جائیں گی۔