کراچی(اسٹاف رپورٹر) شہر کے مختلف علاقوں میں ٹریفک حادثات میں کمسن بچے اور خاتون سمیت4 افراد جاں بحق جبکہ 2زخمی ہوگئے۔ تفصیلات کے مطابق جیکسن کے علاقے کیماڑی کے پی ٹی اسکول کے قریب گاڑی کی ٹکر سے 5سالہ عالم زیب ولد شہروز جاں بحق ہوگیا ، متوفی اسی علاقے کا رہائشی اور حادثے کے وقت سڑک عبور کررہا تھا۔ کلری کے علاقے ماڑی پور روڈ پر تیز رفتار گاڑی کی ٹکر سے 45سالہ رحمان ولد فرید اللہ موقع پر جاں بحق ہوگیا۔ ماڑی پور کے علاقے مچھر کالونی کے قریب تیز رفتا رکشہ الٹنے کے نتیجے میں 55سالہ مریم بی زوجہ اسماعیل جاں بحق جبکہ اس کا شوہر65سالہ اسماعیل ولد عبدالرحمن اور بیٹا سلیم زخمی ہوگئے۔ پولیس کے مطابق متوفیہ ماڑی پور کی رہائشی تھی۔ پاکستان بازار کے علاقے اورنگی سیکٹر ساڑھے گیارہ میں گاڑی کی ٹکر سے38سالہ عنایت شدید ہلاک ہوگیا۔