بالاکوٹ(نمائندہ امت)مانسہرہ سے کراچی آنے والی تیز رفتارمسافر کوچ ڈرائیور سے بے قابو ہو کر چکوال کے قریب تلہ گنگ میانوالی روڈ پر کوٹ قاضی میں قلابازیاں کھاتے ہوئے الٹ گئی، جس کے نتیجے میں دو خواتین سمیت تین افراد جاں بحق اور 12افراد زخمی ہوگئے،واقعہ کے فوراً بعد ریسکیو آپریشن میں زخمیوں اور لاشوں کو آر ایچ سی کوٹ قاضی منتقل کر دیا گیا، مرنے والوں میں کراچی کے عاقل خان، مانسہرہ کی بشریٰ بی بی شامل ہیں جبکہ ایک خاتون کی شناخت نہیں ہوسکی ہے، زخمی ہونے والے زیادہ تر افراد کا تعلق بھی مانسہرہ سے ہے ۔