پشاور (نمائندہ امت)افغانستان نے ایس پی طاہر داوڑ کے قتل کوپاک افغان تعلقات خراب کرنے کی سازش قرار دیتے ہوئے کہا ہے کہ بہت افسوسناک واقعہ ہے سوال یہ ہے کہ طاہر داوڑ اسلام آباد سے کیسے افغانستان پہنچے،پشاور میں اپنے اعزاز میں منعقدہ تقریب سے خطاب اور میڈیا سے گفتگو کرتے ہوئے افغان سفیرعمرزاخیلوال نے کہا کہ طاہر داوڑ کی شہادت کو اپنے جوان کا قتل سمجھتے ہیںبہت افسوسناک واقعہ ہے ،انتہائی افسوس ہوتا ہے کہ طاہر داوڑ کی بیٹی اپنے والد کی تصویر اٹھائے آنکھوں میں اپنے والد کی واپسی کی آس لئے ہوئے ہے اب ایسے واقعات ختم ہونے چاہیے مصالحت کے علاوہ کوئی راستہ نہیں ہے،دونوں ممالک کو اس حوالے سے تحقیقات کرنی چاہیے۔