راولپنڈی(مانیٹرنگ ڈیسک)وزیراعظم عمران خان کا یوٹرن پربیان سوشل میڈیاصارفین کی تفریح طبع کاذریعہ بن گیا۔شہری ازراہ تفنن یوٹرن کے موضوع کودلچسپ تبصروں کاذریعہ بنائے ہوئے ہیں جبکہ تحریک انصاف کے کارکنان اس معاملے پر قدرے خاموش اورگریزاں نظرآرہے ہیں۔طارق عزیز نامی ایک صحافی نے فیس بک پر پوسٹ کی کہ شیخ رشید کاایک کلومیٹرکے اندراندریوٹرن ٹرین چلانے کا اعلان۔محمداقبال مغل نامی ایک صارف نے کہا کہ ریاست مدینہ کی آوازلگاکرسواریاں بٹھالیں اورگاڑی اسرائیل کی طرف موڑلی جائےتواسےبھی یوٹرن کہتے ہیں۔ساجدمنصورانورنے کہاکہ یوٹرن نہ لیاتوپھرکیاجیا۔معروف براڈکاسٹراورصداکارطارق عزیزنے ٹویٹ کرتے ہوئے لکھاکہ بہترین یوٹرن اللھم اغفر لنا وارحمناہے۔ٹویٹرکے ایک اورصارف حمزہ نعیم نے ایک تصویرپوسٹ کی جس میں راستوں کی رہنمائی کرنے والاایک بورڈہٹلراورنپولین کے نام سے 2مقامات کی طرف اشارہ کرنے کے بعد لیڈرنامی مقامات سے واپسی کی علامت ظاہرکررہاہے۔