کراچی (اسٹاف رپورٹر )رینجرز اور پولیس نے شہر کے مختلف علاقوں میں کارروائیوں کے دوران متحدہ لندن کے کارکن، لیاری گینگ وار کارندے، اسٹریٹ کرمنلز، منشیات اور گٹکا فروش سمیت 23ملزما ن کو گرفتار کر لیا۔ ترجمان کی جانب سے جاری اعلامیےمیں کہاگیا کہ رینجرز نے خفیہ اطلاعات پر مختلف علاقوں جن میں گلبرگ،فیڈرل بی صنعتی ایریا ،کلفٹن، ڈیفنس میں کارروائی کرتے ہو ئے11ملزمان فیضان، عبدالرحمن ،رضوان، نبیل، حسن، عدنان، وہاج علی، سلیم خان افغانی، اعجاز خان، شیر محمد، باسط کو گرفتار کر لیا ،ترجمان نے کہا کہ گرفتار ملزم رضوان کا تعلق متحدہ لندن سے ہے اور تمام ملزمان منشیات فروشی ڈکیتی اسٹریٹ کرائم میں ملوث ہیں ،ملزمان کے قبضے سے اسلحہ منشیات اور دیگر سامان بھی برآمد کیا گیا ہے۔