کراچی(اسٹاف رپورٹر) کیماڑی میں جھگڑے کے دوران لاٹھیوں کے وار سے ایک شخص جاں بحق ہوگیا۔ ملزمان فرار ہونے میں کامیاب ہوگئے۔ تفصیلات کے مطابق جیکسن کے علاقے کیماڑی نور اسلام مسجد کے قریب ذاتی جھگڑے کے دوران لاٹھیاں لگنے سے ایک شخص شدید زخمی ہوگیا، جسے فوری طور پر اسپتال منتقل کیا گیا، جہاں وہ دوران علاج چل بسا۔ پولیس کے مطابق واقعہ پڑوسیوں کے ساتھ جھگڑے کے دوران پیش آیا ہے جبکہ مرنیوالے کی شناخت 48سالہ صابو ولد اسحاق کے نام سے ہوئی ہے، جو اسی علاقے کا رہائشی تھا۔