کوئٹہ (نمائندہ خصوصی )دکی نصیب آباد کے علاقے میں فائرنگ سے ایک شخص ہلاک جبکہ کوئٹہ میں کوئٹہ میں دو بھائیوں کے درمیان گولی چل گئی خاتون جاں بحق ہوگئی۔ دکی میں سیڑھی لگا کر دیوار پھلانگ کر گھر میں گھسنے والا شخص صالح محمد عرف صلو کو مالک مکان نے فائرنگ کرکے موقع پر ہلاک کردیا۔پولیس نے مالک مکان یعقوب شاہ کو حراست میں لیکر تفتیش شروع کردی ہے.ڈی ایس پی کے مطابق مقتول کا دماغی توازن بھی درست نہیں تھا۔علاوہ ازیں کوئٹہ میں گھر کے اندر دو بھائیوں کے درمیان جھگڑا ہوا اس دوران گولی چلنے سے خاتون بی بی پشتو موقع پر جاں بحق ہو گئی لاش کو ضروری کا رروائی کے بعد ورثاء کے حوالے کر دیا گیا۔