اسلام آباد(امت نیوز) ایشین ساکر فٹسال چیمپین شپ میں شرکت کیلئے قومی فٹسال ٹیم کے چنا کیلئے ٹرائلز اسلام آباد میں شروع ہو گئے ۔ پاکستان ساکر فٹسال فیڈریشن کے سینئر نائب صدر اور سلیکشن کمیٹی کے چیئرمین شاہد فاروق ملک قومی فٹسال ٹیم کیلئے 25کھلاڑیوں کو شارٹ لسٹ کیا جائیگا جن کا تربیتی کیمپ 25نومبر سے پاکستان سپورٹس کمپلیکس اسلام آباد میں لگایا جائیگا انہوں نے بتایا کہ ایشین چیمپین شپ کیلئے قومی ٹیم کا چنا میرٹ پر کیا جائیگا اور امید ہے کہ میگا ایونٹ میں گرین شرٹس اچھے کھیل پیش کرتے ہوئے وکٹری اسٹینڈ تک پہنچنے میں کامیاب ہو گی ۔ شاہد ملک نے مزید بتایا کہ 13دسمبر سے 16دسمبر تک لیاقت جمنازیم اسلام آباد میں کھیلی جانیوالی چیمپین شپ کی تیاریاں عروج پر ہیں جس میں میزبان پاکستان سمیت ، بھارت، سعودی عرب ، نیپال ، ایران ، ملائیشیا، بنگلہ دیش، برونائی کی ٹیمیں شرکت کریں گی۔
٭٭٭٭٭