راولپنڈی(امت نیوز) پی سی بی انڈر 16 کرکٹ سٹارز پینٹنگولر ٹورنامنٹ میں سندھ اور فیڈرل کیپیٹل نے اپنے اپنے میچ جیت لئے۔ پی سی بی کے مطابق ٹورنامنٹ کے پانچویں میچ میں سندھ نے بلوچستان کو سنسنی خیز مقابلے کے بعد ایک وکٹ سے ہرایا۔ بلوچستان کی ٹیم نے پہلے بیٹنگ کرتے ہوئے مقررہ 45 اوورز میں 7 وکٹوں کے نقصان پر 188 رنز بنائے۔ حسیب اللہ نے 84 رنز کی اننگز کھیلی۔ منیب واصف نے دو کھلاڑیوں کو آئوٹ کیا۔ جواب میں سندھ انڈر 16 نے ہدف 43.1 اوورز میں 9 وکٹوں کے نقصان پر حاصل کر لیا، علی حسن 37 اور زین انور 36 رنز کے ساتھ نمایاں رہے۔
٭٭٭٭٭