کراچی (امت نیوز) انٹرنیشنل اسکواش چمپیئن شب ڈی ایچ اے میں اختتام پذیر ہوگی۔20نومبر سے 24نومبر تک کھلے گئے ایونٹ کے مہمان خصوصی کمانڈر کراچی لیفیٹننٹ جنرل ہمایوں عزیز تھے۔ ٹورنامنٹ میں پاکستان، مصر، ملائشیا، ایران اور ہانگ کانگ کے مرد اور خواتین کھلاڑیوں نے حصہ لیا۔ خواتین کیٹگری میں مصر کو فریدہ محمد نے اپنے ہی ملک کی امینہ ریحانہ کو شکست دے کر کامیابی حاصل کی۔ مردوں میں ملائشیا کے اوان یون نے پاکستان کے طیب اسلم کو شکست دے کر ٹورنامنٹ اپنے نام کیا۔ لیفٹیننٹ جنرل ہمایوں عزیز نے پوزیشن حاصل کرنے والے کھلاڑیوں میں انعامات تقسیم کئے۔