کراچی(اسٹاف رپورٹر) مختلف علاقوں میں ٹریفک حادثات میں ایک شخص جاں بحق اور خواتین سمیت 10 افراد زخمی ہوگئے، جبکہ پریڈی میں دیوار گرنے سے 2 نوجوان زخمی ہوگئے۔ تفصیلات کے مطابق ریگل چوک کے قریب 55سالہ اخبار فروش رحیم الدین ولد محی الدین موٹرسائیکل سوارٹریفک پولیس اہلکار کی ٹکر سےجاں بحق ہوگیا۔ گڈاپ سٹی کے علاقے سپر ہائی وے بحریہ ٹاؤن کے قریب تیز رفتار ہائی ایکس الٹنے سے اس میں سوار 6افراد زخمی ہوگئے، جن میں 50سالہ بلو ولد رمیش، 20سالہ کشور ولد سنجے، 45سالہ صفا ولد امریش، 40سالہ حمنا زوجہ زاہد، 45سالہ لاسی گورام اور ایک نامعلوم خاتون شامل ہے۔ بھینس کالونی عرفانی گوٹھ میں نامعلوم گاڑی کی ٹکر سے23سالہ سلمان ولد ریاض زخمی ہوگیا۔ نیو کراچی لاسی گوٹھ میں نامعلوم گاڑی کی ٹکر سے 40سالہ ادریس ولد سبحان زخمی ہوگیا۔ مواچھ موڑ اسٹاپ کے قریب نامعلوم گاڑی کی ٹکر سے شوکت ولد شیروز علی زخمی ہوگیا۔ لانڈھی داؤد چورنگی کے قریب نامعلوم گاڑی کی ٹکر سے 27سالہ عمران ولد رحیم زخمی ہوگیا۔