اسلام آباد( نمائندہ امت)سابق وزیر اعظم میاں نواز شریف نے احتساب عدالت پیشی کے بعد واپسی سے قبل4خواتین رہنماوٴں کو بلا کر ان سے ملاقات کی۔احاطہ عدالت میں خاتون ممبر آزاد کشمیر اسمبلی نسیمہ وانی،راولپنڈی سے لیگی رہنما شازیہ ساجد،ملیحہ حسین چوہدری اور شازیہ رضوان سے ملاقات کے دوران سابق وزیر اعظم نے خواتین رہنماوٴں کو حوصلے بلند رکھنے کا کہا ۔اس موقع پر نسیمہ وانی اور شازیہ ساجد نے کہا کہ ہم میاں برادران اور پارٹی کے شانہ بشانہ کھڑے ہیں اور ہر مشکل کا ڈٹ کر مقابلہ کیا جائے گا۔