دبئی(مانیٹرنگ ڈیسک)یاسرشاہ ایک ہی دن میں 10وکٹیں لینے والے پہلے پاکستانی بائولربن گئے تاہم یاسرشاہ موجودہ وزیراعظم عمران خان کامنفرد ریکارڈ نہ توڑ سکے، عمران خان واحد پاکستانی بائولر ہیں جنہوں نے ایک ہی سال میں 2مرتبہ 8،8وکٹیں اپنے نام کیں۔عمران نے 1982ء میں سری لنکا کے خلاف لاہور میں 58رنز کے دے کر 8اور بھارت کے خلاف نیشنل سٹیڈیم کراچی میں 60رنز کے عوض8وکٹیں لی تھیں۔فاسٹ بائولرسکندر بخت نے1979میں بھارت کیخلاف دہلی ٹیسٹ میں 79رنز دے کر8وکٹیں حاصل کیں۔آف سپنر ثقلین مشتاق نے 2000ءمیں انگلینڈ کےخلاف لاہور ٹیسٹ میں 164 رنز کے عوض 8وکٹیں اپنے نام کی تھیں۔