راولپنڈی (امت نیوز) قائداعظم ٹرافی کرکٹ ٹورنامنٹ 2018-19ء کا فائنل سوئی ناردرن گیس پائپ لائنز لمیٹڈ اور حبیب بینک لمیٹڈ کے درمیان 4 دسمبر کو کھیلا جائے گا۔ سوئی ناردرن گیس پائپ لائنز لمیٹڈ ٹائٹل کا دفاع کرے گی۔ تفصیلات کے مطابق پاکستان کرکٹ کے سب سے بڑے ڈومیسٹک ایونٹ قائداعظم ٹرافی فور ڈے ٹورنامنٹ اختتامی مرحلے میں داخل ہو گیا ہے۔ یکم اگست سے شروع ہونے والے اس ٹورنامنٹ میں ڈیپارٹمنٹل اور ریجنز کی 16 ٹیموں نے شرکت کی جنہیں دو گروپوں میں تقسیم کیا گیا تھا۔ پہلے مرحلے میں سات، سات میچ کھیلے گئے۔