پی سی بی خواتین کرکٹ کے فروغ کیلئے سرگرم

ملتان(امت نیوز)ملتان سمیت چارشہروں میں خواتین کیلئے کرکٹ اکیڈمیوں کے قیام کا فیصلہ، محکمہ سپورٹس کے ذرائع کے مطابق پاکستان کرکٹ بورڈ نے لاہور، راولپنڈی ،کراچی اورملتان میں خواتین کیلئے کرکٹ اکیڈمیاں قائم کرنے فیصلہ کیا ہے، ملتان میں مسلم بوائز ہائی سکول کا گرائوند اس اکیڈمی کیلئے تجویز کیا گیا ہے ، چند روز پہلے اس سلسلے میں اجلاس منعقد ہوا ، ذرائع کا کہنا ہے کہ ملتان میں اس سکول کا نام اس لئے تجویز کیا گیا ہے کہ یہ شہرکے وسط میں واقع ہے اور یہاں لڑکیوں کو پہنچنے میں آسانی ہوگی ، اکیڈمی کے قیام سے پہلے اس سلسلے میں پی سی بی اور محکمہ تعلیم کے درمیان معاہدہ ہوگا، اس اکیڈمی میں جنوبی پنجاب کے مختلف تعلیمی اداروں کی طالبات کیلئے تربیتی کیمپ لگائے جائیں گے ، یہ اکیڈمی گراس روٹ لیول پر ٹیلنٹ کی تلاش میں مددگار ثابت ہوگی ۔