کراچی (اسٹاف رپورٹر)ٹارگٹ کلنگ ۔بھتہ خوری میںملوث26ملزمان گرفتار جبکہ مختلف علاقوں میں ٹارگٹڈ آپریشن کے دوران 40مشتبہ حراست میں لے لئے گئے۔ تفصیلات کے مطابق رینجرز نے مبینہ ٹاؤن سے عرفان‘فیروز‘عبدالجبار اور دلدار کو گرفتار کرکے اسلحہ اور منشیات برآمد کرلی۔ عرفان ٹارگٹ کلنگ اور بھتہ خوری کی متعدد وارداتوں میں ملوث ہے بہادرآباد میں ملزم عقیل عرف سائیلنسر سے اسلحہ برآمد ہوا پولیس کے مطابق ملزم مقابلےمیں ہلاک ملزم عبداللہ کا ساتھی ہے ملزمنے عبداللہ کے ساتھ مل کر متعدد وارداتیں کرنے کا اعتراف کیا ہے شاہ فیصل پولیس نےمنیب اقبال اور جمال شاہ کو گرفتار کرکےاسلحہ برآمد کرلیا۔ ملزمان نے ڈکیتی مزاحمت پر 19 سالہ زید رضا کو قتل کیا تھا۔ابراہیم حیدری میں ملزم عبداللہ سے اسلحہ برآمد ہوا ۔ ڈاکس پولیس نے منشیات فروش مصطفی خاتون اور 8 جواریوں عبدالغفار ، انور ۔بادشاہ یوسف ، ہارون ، اقبال ، حضرت امین ، سردار علی اور ریاض کو گرفتار کر لیا پیرآباد میں اسٹریٹ کرمنل فضل امین پکڑا گیا عزیز آباد میں تنویر اور اسامہ سے اسلحہ ملا ۔کلری اوربغدادی میں محمد علی۔نعیم اور عارف سے اسلحہ برآمدہوا میٹھا دراور موچکو میں تحسین اور نعیم سے اسلحہ ملا ۔ تیموریہ ، ڈاکس ، گارڈن ، نبی بخش ، لیاری پولیس نے ٹارگٹڈ آپریشن کے دوران 40مشتبہ افراد حراست میں لے لئےجبکہ 6 افراد سے اسلحہ بھی ملا ہے جن کو باقاعدہ گرفتار کرلیا گیا ۔